11. og 12. plass på fellesstarten

Tarjei Bø kom på 11. plass og Johannes Thingnes Bø på 12. plass under fellesstarten i Ruhpolding etter god fart i løypa, men for mange bom.

Tarjei var med i teten fram til andre skyting, men med to strafferundar her og endå ein runde på tredje skyting vart det for langt fram til teten. Johannes skaut feilfritt på begge dei liggande skytingane, men med to rundar og ladetrøbbel på første ståande hamna han også bak i feltet. Endå ein bom på siste skyting gav ein 12.plass til slutt.

Løpet vart vunne av Eric Lesser frå Tyskland som skaut fire fulle hus. Martin Fourcade tok andreplassen og Anthon Shipulin tredjeplassen.