Nordfjord fritidssenter 24.3.2013:

Karoline Holsen Kyte og Roger Lillestøl vinnarar av Holmøyskarrennet 2013

Til venstre: Dei tre beste i M36-45: Roger Lillstøl, Sigbjørn Fænn og Roar Alsaker. Til høgre: Karoline Holsen Kyte. Foto: Fjordingen 2012.

 576 turløparar og 57 konkurranseløparar deltok i det første Holmøyskarrennet i den nye traseen. Veret viste seg frå si beste side og gav ein fin tur gjennom skaret.

Årets vinnar av herreklassa vart Roger Lillestøl frå Hornindal IL (M36-45) med tida 1:48:52. Nest raskast vart Helge Kvam Karbø frå Sunnylven IL (M17-20) på 1:53:26. Sigbjørn Fænn, Markane IL  (M36-45) kom på tredjeplass totalt med tida 1:53:55. Roar Alsaker, Markane IL, (M36-45) følgde på fjerdeplass totalt med tida 1:54:53.

Dameklassa vart også i år vunnen av Karoline Holsen Kyte frå Førde IL (K17-20) med tida 2:10:39. På andreplass kom Britt Brekke Pedersen frå Haddal IL med 2:27:56.

Markane IL hadde totalt fem deltakarar i konkurranseklassane. I klasse M17-20 vart det 8. plass til Grunde Breidablik med 2:47:46. I klasse M21-35 kom Frank-Jakob Sandbakk på 5. plass med 2:26:27 medan Svein Rune Aaland vart nummer 7 i M46-55 med tida 2:18:28.

Komplett resultatliste er lagt ut nedanfor. Sjå elles arrangørane sin heimeside for meir frå årets renn.

Resultatliste Holmøyskarrennet 24.3.2013