Sirdal 8.3.2013:

NM-sølv til Johan Eirik Meland på normaldistansen!

Sølv til Johan Eirik Meland på normaldistansen i junior-NM. Foto: Team Statkraft Nordfjord (arkivfoto frå NM fellesstart i 2012)

Det vart ein flott sølvmedalje til Johan Eirik Meland på normaldistansen i klassa M19 då junior-NM i skiskyting i Sirdal starta i dag. Klassevinnar vart Martin Femsteinevik frå Hålandsdal IL som kom seg gjennom dei fire skytingane med berre to tilleggsminutt. Johan Eirik fekk tre tilleggsminutt og var 1 min 48 sek etter vinnaren. På tredjeplass følgde Fredrik Mack  Rørvik frå Målselvs skiskyttere. Han hadde fem tilleggsminutt og var 3 min 10 sek etter vinnaren.

Også Jarle Midthjell Gjørven gjorde eit godt løp og kom inn til ein femteplass i klasse M20-21. Han var 2 min 45 sek etter klassevinnar Erling Aalvik frå Kvam langrenn og skiskyting. Begge hadde to tilleggsminutt. Lars Midthjell Gjørven vart nummer 20 i klasse M18 med fem minutt i tillegg. Vinnar vart Georg Noer Dotzler frå Fossum IF. Janne Alsaker vart nr 22 i klassa K19. Klassa blei vunnen av Mari Nørstebø frå Svene IL. Georg Kristian Halsteinslid deltok i klasse M17, men braut løpet etter tredje skyting.

Komplette resultatlister frå klassane med deltakarar frå Markane IL nedanfor. Sjå elles heimesida til jr NM Sirdal.

Resultatliste frå jr NM skiskyting/DNB cup 6 Sirdal 8.3.2013 M18_Normal

Resultatliste frå jrNM skiskyting/DNB cup 6 Sirdal 8.3.2013 M19_Normal

Resultatliste frå jrNM skiskyting/DNB cup 6 Sirdal 8.3.2013 M20/21_Normal

Resultatliste frå jrNM skiskyting/DNB cup 6 Sirdal 8.3.2013 K19_Normal

Vi gratulerer med NM-sølv!