Kategori

Alle innlegg Torsdag 26.august vert det nær-o-løp ved Sølvbergsstøylen. Løpet er lagsmeisterskap for Markane IL. (1) Torsdag 26.august vert det nær-o-løp ved Sølvbergsstøylen. Løpet er lagsmeisterskap for Markane IL. Start frå kl.1800. Her er det løyper for alle! (1) RSS

Arkiv

Januar 2024 (8) 2023 (26) 2022 (43) 2021 (21) 2020 (51) 2019 (60) 2018 (64) 2017 (93) 2016 (195) 2015 (214) 2014 (264) 2013 (266) 2012 (231) 2011 (201) 2010 (57) 2009 (59) 2008 (70) 2007 (60) 2006 (51) 2005 (68) 2004 (33) 2003 (14)

Ullsheim 16.02.2013:

Postet av Markane IL den 16. Feb 2013

Tverrfjelldilten 2013

Andre Haugsbø og Torunn Grut vann Tverrfjelldilten 2013. Foto: Inge Fænn

Andre Haugsbø frå Gaular IL og Torunn Grut frå Syril IL vann Tverrfjelldilten 2013. Foto: Inge Fænn

Vel 100 løparar var på start då tidenes første Tverrfjelldilten vart arrangert. Tverrfjelldilten er som einaste renn i Sogn og Fjordane godkjendt som seedingrenn til Birkebeinerrennet. På grunn av lite snø i område Veten-Hogden var løypa noko justert i høve til det som opprinneleg var planlagt. Rennet gjekk som to rundar gjenom følgjande trase: Ullsheim-Lundasetra-Spjelkebu-Vikadalen-Holesetra-deler av Panoramaløypa ut mot Grendasetra og tilbake til Holesetra og ned igjen til Ullsheim via lysløypa. Totalt 40 km.

Raskaste tid i herreklassane hadde Andre Haugsbø frå Gaular IL (M21-35) med tida 2.03.15,8 medan Torunn Grut frå Syril IL (K46-50) var raskast blant damene på tida 2.33.57,6. På dei neste plassane i herreklassa følgde Roar Alsaker frå Markane IL (M41-45) med 2.13.49,6 og Jan Arve Solheim (M46-50) frå Eikefjord IL på tida 2.14.01,5. Andreplassen blant damene gjekk til Frida Øygard (K19-20) frå Førde IL med 2.53.00,5 medan Ingvild Hoggen (K21-35) frå Volda T&IL kom inn på tredje best tid med 3.09.22,0

I tillegg til det 40 km lange seedingrennet var det også arrangert familierenn på 10 km. Løypa gjekk frå Ullsheim til Lundasetra, Spjelkebu, Holesetra og tilbake til Ullsheim. I alt 45 personar, herav 16 born og 29 vaksne, stilte opp i dette rennet. Arrangementa vart skipa i samarbeid mellom Markane IL, Sparebankstiftinga, Sogn og Fjordane fylkeskommune, idrettskrinsen og skikrinsen.