Olden 13.9.2014:

Nikolai Dispen Lødemel vinnar av spurtprisen i Skarsteinsetra Opp!

Nikolai Dispen Lødemel vann spurtprisen i G13-14. Foto: Grete Zachariassen, 2013

 Nikolai Dispen Lødemel vann spurtprisen i klasse G13-14 i Skarsteinsetra Opp 2014. Han kom også på andreplass i sjølve motbakkeløpet.

Spurtprisen var lagt inn ved passeringa av Skarsteintunet etter 1,2 km av løpet. Nikolai passerte her etter 6 min 20 sek. I mål vart det ein andreplass i det 4.6 km lange motbakkeløpet med tida 33,51. Klassevinnar vart Daniel Auflem Eikås frå Stryn T&IL med tida 33,01. Tredjeplassen gjekk til Marius Rauset frå Loen IL med 37,15.

Også dei to andre deltakarane frå Markane kom på pallplass i sine klassar. Håkon Midthjell Gjørven vart nummer tre i klasse M15-17 etter å ha gått i mål til tida 28,03. Klassevinnar vart Andreas Rauset frå Sandane IL med 25,22. Erlend Bakken frå IL Veten vart nummer to med 25,40. Svein Arne Lødemel kom på tredjeplass i M30-39 med 29,01. Klassevinnar vart Martin Klaesson frå Olden IL med 25,00 og Kay Roger Haugen frå Loen IL tok andreplassen med 25,52.

 Totalvinnar av løpet vart Jann Olav Tjønneland (M40-49) frå Viksdalen med 22,54. Stig Svalheim frå Sandane sykkelklubb  var raskaste syklist med 18, 43

Resultatliste for Skarsteinsetra Opp 13.9.2014