Fjellvang 19.6.2014:

Resultat frå nær-o-løp nr 4

IL Veten inviterte torsdag 19. juni til det siste nær-o-løpet før sommarpausen. I alt 29 o-løparar stilte opp derav sju frå Markane.

Som vanleg var det flest deltakarar i N-løypa. Her gjorde Anders Svarstad Hole (foto), Jesper Svarstad Hole, Gjertlin Kirkeeide, Olina Svarstad Heggdal og Brita Svarstad Heggdal god innsats i o-løypa.

I den nest lengste A-løypa hadde Markane to deltakarar, Per Øen og Nils Heggdal. Nils vann klassa etter å ha fullført den 4,7 km lange løypa på tida 58 min 12 sek føre Bjarte Bergset frå Veten. I den lengste A-løypa var det ingen frå Markane denne gongen. Isak Bergset frå NTNUI vann klassa etter å ha fullført dei 7,2 kilometerane på 52 min 28 sek.

Nær-o-løpa tek no sommarpause fram til torsdag 14. august. Då er det klart for det femte av sesongens løp på Maurset med Markane IL som arrangør. 

Samanlagtliste for dei fire første løpa er lagt ut nedanfor. I alt 38 løparar har delteke på minst eit løp for Markane så langt og har dermed sjanse til å oppnå fire løp og premie ved sesongslutt.

Resultatliste nær-o-løp nr 4 Dato 19.6.2014 Arrangør IL Veten.

Samanlagtliste nær-o-løp 2014 løp 1-4.