Kategori
Ullsheim 11.2.2014:
Postet av Markane IL den 12. Feb 2014
112 deltakarar på omvendt jakstart i cupen
Hedda Garlid Hilde (t.h) og Marte Gjøvåg Heggestad klare til start. Foto: Margunn Hjelmeset
112 løparar stilte opp i sesongens andre cuprenn. I tillegg til deltakarane frå Markane kom det også løparar frå Hardbagg, Eid, Stårheim og Breim for å delta.
Som vanleg var det aller best deltaking i dei yngste klassane og nokre var med på cup for første gong. I yngste klasse opp til 8 år gjennomførte 24 deltakarar dei 800 meterane i fin stil. I klassa 9-10 år gjekk 20 jenter og gutar 1,5 km fellesstart i fri teknikk.
For klassane frå 11 år og oppover gjekk rennet som ein omvendt jaktstart i fri teknikk med utgangspunkt i det første rennet. Det vil seie at den beste i kvar klasse i det første rennet, måtte vente heilt til slutt før dei kunne ta opp jakta på dei andre løparane i klassa. I teorien skal då heile feltet kome likt i mål og vinnaren vert den som har forbetra seg mest sidan førre renn. Eventuelle nye løparar startar til slutt i feltet saman med klassevinnarane frå sist.
I klassane 11-12 år heldt Anders Svarstad Hole og Hedda Garlid Hilde heile feltet bak seg og gjekk inn til klassesiger. Anne-Marie Roset vann klassa for jenter 13-14 år. Simon Hjelmeset Kirkeeide klarte å avansere forbi heile feltet i si klasse og vann også det andre rennet. Ingrid Gausemel vann klassa for jenter 15-17 år og Nikolai Larsen Hunvik var først i mål i klassa for gutar 15-17 år. Pål Andre Skrede vann klassa for menn 18 år og oppover. Totalt var der 57 deltakarar i konkurranseklassane frå 11 år og oppover og i tillegg ein deltakar i trimklassa.
Resultatlista frå kvelden er utlagt nedanfor. Fotoserien frå rennet er teken av Margunn Hjelmeset
(OBS! For klassane 11 år og oppover er tidene berre gjeve opp differanse bak vinnaren. Sidan rennet gjekk som omvendt jaktstart vil heller ikkje dette nødvendigvis tilsvare langrennstida til løparen.)
Resultatliste for cuprenn 2 omvendt jaktstart fri teknikk 11.02.2014
Blide jenter etter rennet. Framme: Maren Hjelmeset Kirkeeide, Marthe Gjøvåg Heggestad og Borgny Kristin Hetle. Bak i blått: Emilie Flo Stavik, Emma Njøten, Ane Hjelmeset Kirkeeide og Selma Guddal Breivik. Foto: Margunn Hjelmeset
Elias Guddal Sunde og Anders Svarstad Hole klare til start. Foto: Margunn Hjelmeset
Kornelia Trøsken. Foto: Margunn Hjelmeset
Ane Hjelmeset Kirkeeide og Olina Svarstad Heggdal. Foto: Margunn Hjelmeset
Stort startfelt i klasse 9-10 år. Foto: Margunn Hjelmeset
Iselin Bø. Foto: Margunn Hjelmeset
Malin Eikenes Tjellaug. Foto: Margunn Hjelmeset
Oliver Veka Brath. Foto: Margunn Hjelmeset
Selma Guddal Breivik. Foto: Margunn Hjelmeset
Duell mellom Magnus Seljeset og Magnus Midthjell Gjørven. Foto: Margunn Hjelmeset
Startfelt klasse 15-17 år. Foto: Margunn Hjelmeset
Synne Brynestad Erdal, Ivar Erdal og Axel Brynestad Erdal på veg heim etter rennet. Foto: Margunn Hjelmeset
Malin Eikenes Tjellaug, Sofie Njøten, Mari Sofi Meland og Sara Annie Bjørnhaug Aarnes. Foto: Margunn Hjelmeset
Kommentarer
Logg inn for å skrive en kommentar.