Her er sakspapir til årsmøtet i Markane IL tysdag 12.12.2023 kl.1900 på Ullsheim:

Saksliste til årsmøte i Markane IL 12.12.2023

Vedlegg sak 2: Årsmelding frå styret

Vedlegg sak 2: Årsmelding frå gruppene

Vedlegg sak 3 og sak 9: Rekneskap 2023 og budsjett 2024

Vedlegg sak 4: Rapport frå kontrollutvalet 2023

Vedlegg sak 5: Innspel til kommunedelplan 2024-2027

Vedlegg sak 6: Oversikt over spelemiddelsøknader 2024

Vedlegg sak 10: Innstilling frå valnemnda

Protokoll frå møtet:

Årsmøteprotokoll 2023

Gjer vel og les gjennom dokumenta før du kjem på årsmøtet.

Vi ønskjer alle velkomne til årsmøte!

I strålande vinterver på Ullsheim var det søndag 3.desember klart for sesongens første krinsrenn i skiskyting. Distansen var sprint og i alt 43 løparar stilte til start.

Frå Markane var 13 deltakarar på start. I tillegg kom det løparar  frå Stårheim, Volda, Hardbagg, Valldal, Sunnylven, Skjåk, Førde og Simonstranda. 

Av lokale resultat kan nemnast at Ane Hjelmeset Kirkeeide vann J14, Syver Melheim Espe vann G13,  Brita Svarstad Heggdal vann J13. og Katrine Svarstad Heggdal i K18. Birk Fure-Lilleheim tok andreplassen i G12 og Olina Svarstad Heggdal i J15. I klasse K19 vart Oddrun Hjelmeset Kirkeeide nr 2, Mari Sofi Meland nr 3 og Elina Østerbø nr 4. Markane hadde også fire deltakarar i nybyrjarklassa: Noah Seljeset Svarstad, Brage Fure-Lilleheim, Andris Wangensteen-Flore  og Espen Myklebust Hesjedal.

Resultatliste frå rennet finn du nedanfor:

Resultatliste frå krinsrenn sprint skiskyting Ullsheim Dato 03.12.2023.pdf

Foto (Roy Aron B. Myklebust/Fjordingen): Mari Sofi Meland på standplass. 

Det vert årsmøte i Markane IL tysdag 12. desember kl.19.00 på Ullsheim.

Innkomande saker må meldast til styret seinaste tysdag 28.november enten skriftleg til styret eller på epost til antoniakaretekongsvik@gmail.com

Saklista vert lagt ut på heimesida ei veke før møtet.

Velkomne!

Søndag 29.oktobere var det tradisjonell idrettslagsbasar i Skogstjerna og eit stort utval av gevinstar vart delte ut. Vi takkar alle som støtta basaren både ved å stille opp med gevinstar og ved å kjøpe årar og lodd!

Endeleg resultat er ikkje heilt klart, men det vart eit godt resultat også i år. 

Trekningsliste for gevinstane på bok finn de om de går inn på artikkelen

Komplett trekningsliste:

Gevinst nr 1: Gåvekort på Sport 1  kr 3000. Gitt av Sport 1 og Markane IL

Lodd: 3529

Namn: Frode Egge

Gevinst nr 2 Bord frå Ekornes

Lodd:  4105

Namn: Ingrid Steinsåker

Gevinst nr 3: Saueskinn frå Garlid Ranch

Lodd:  915

Namn: Oddny Grete Njøten

Gevinst nr 4 Gåvekort på Rema kr 1000. Gitt av Hatledal AS

Lodd: 3233

Namn: Silje Bakken Bøe

Gevinst nr 5: Søndagslunsj for 2 på Hotel Alexandra

Lodd:  3909

Namn: Aud og Johnny Bakke

Gevinst nr 6: Gåvekort kr 1000 på Byggtorget frå Hydla AS

Lodd: 1216

Namn:  Emilie Flo Stavik

Gevinst nr 7: Verdikode kr 750 frå  VY Buss

Lodd: 2120

Namn: Fam Nybø

Gevinst nr 8 Gåvekort kr 1000 på Sport 1 frå VBOE Holding AS

Lodd:  4188

Namn:  Fam. Henning Heimlid

Gevinst nr 9 Skruesett kr 650 frå Byggtorget

Lodd: 4062

Namn: Astrid Svarstad

Gevinst nr 10 Pledd kr 1000 frå Fjøssystemer

Lodd: 4121

Namn:  Ola Nesje

Gevinst nr 11 Gåvekort kr 500 frå Ricco Vero

Lodd: 372

Namn: Camilla Sanden

Gevinst nr 12: Gåvekort Alex/Hoven kr 1000 frå Sølvberg Bygg AS

Lodd:  3563

Namn: Bjørg Jorunn Vinsrygg

Gevinst nr 13 EU-kontroll frå Kveen AS

Lodd:  4025

Namn: Lotte Nordnes Svarstad

Gevinst nr 14 Gåvekort kr 1000 frå Mølla 

Lodd: 2364

Namn: Nils Myrvang

Gevinst nr 15 Gåvekort Kiwi kr 500 frå Per Johan Bøe

Lodd:  4480

Namn:  Randi Tenden

Gevinst nr 16 Gåvekort Johan Flo kr 1000 frå Vinsrygg Maskin

Lodd:  3503

Namn:  Olav Tenden

Gevinst nr 17 Lego. Verdi 800 kr

Lodd: 2697

Namn:  Fam. Gunnhild Sindre

Gevinst nr 18 Syntest frå Interoptikk Sæbø

Lodd: 4231

Namn: Jesper Svarstad Hole

Gevinst nr 19 Gåvekort tur/retur Hoven frå Loen Skylift

Lodd: 4943

Namn: Brita Svarstad Heggdal

Gevinst nr 20 Gåvekort Jernia kr 500 frå AMCON AS

Lodd: 1104

Namn: Julie Sætren

I samband med skikrinsen si 100-årsmarkering laurdag, vart langrennsløparen, trenaren og eldsjela Per Hatledal frå Markane IL heidra med krinsen si øvste utmerking. Her saman med Jonfinn Aske frå Fjellhug/Vereide som også fekk utmerkinga og prisutdelar leiar i skikrinsstyret Jorunn Åsfrid Røyrvik. Foto: Roy Aron Myklebust/Fjordingen

Begge prisvinnarane  har vore aktive utøvarar i langrenn og begge har lagt ned ein enorm innsats som både trenarar, TD (teknisk delegert) og som lokale eldsjeler i langrennsmiljøet. 

Vi gratulerer!

Søndag 29.oktober er det klart for idrettslagsbasar og premiefest i Skogstjerna  frå kl.1500.

Vi ser fram til god basarstemning med åresal, loddsal og enkel servering. Det er mange flotte premiar både på årer og på bøkene.

Det skal delast ut premiar innan ski, orientering, skiskyting og trim.  Vi oppmodar alle om å kome og hente premiane sine.

Det vert mogleg også å kunne betale ved bruk av VIPPS.

Gratis mat og kaffi.

Verken Johannes eller  Tarjei låg heilt i teten før første skyting, der begge fekk seg ein strafferunde. Men på dei neste to skytingane vart det feilfritt for Johannes, og ut frå tredje skyting var han rett ibak leiaren Sturla Holm Lægreid. Tarjei låg etter tredje skyting på 7. plass, ca. 45 sekund bak, etter å ha vore ut  i ein strafferunde på kvar av dei første tre seriane.

Men på siste skyting vart det skifte i teten Etter feilfritt på dei første tre seriane vart det heile tre strafferundar på Lægreid. Også Johannes måtte ut i to strafferundar, og gjekk ut på ein tredjeplass. Med feilfritt på dei siste fem skota var det Tarjei som overtok førsteplassen, nokre få sekund føre Harald Øygard frå Skrautvål IL.

Sistnemnde  vart innhenta av Johannes, og eit stykke ut på den siste runden låg det an til dobbelt Bø. Men Vebjørn Sørum frå Søndre Ål hadde ein god dag på rulleskia. Han henta inn Johannes si leiing på kring ti sekund, og inn til mål gjekk han ifrå med ytterlegare tre sekund. Han var fire sekund bak norgesmeister Tarjei. Men gull og bronse til Bø og Markane!

Også Simon Hjelmeset Kirkeeide gjekk eit nytt godt løp - spesielt i løypa. På skytinga enda det med  totalt seks strafferundar, men farten var god og førte han til ein flott 14. plass.

Vi gratulerer!

Det vart to gullmedaljar til Markane-løparar under sprinten i NM rulleskiskyting. i Kristiansand. Maren Hjelmeset Kirkeeide vann sprinten i klasse K20–22 og Johannes Thingnes Bø sikra seg NM-gull i menn senior.

 FOTO: SVEIN HALVOR MOE

Maren er framleis juniorløpar. sjølv om ho er på landslaget. På laurdagens NM-sprint deltok ho saman med dei jamgamle jentene i K20-22, og det resulterte i ein klar siger  Med feilfri skyting og god fart i løypa vann med Maren klassa med 1 minutt og 18 sekund. Gunn Kristi Stensaker Tvinnereim frå Hardbagg IL  vart nummer fire i same klassat.  Ho skaut ein bom og var berre 1,7 sekund unna bronsemedaljen.

Johannes Thingnes Bø  tok eit nytt NM-gull i seniorklassa. Han skaut to feilfrie seriar og tok sigeren seks sekund føre Endre Strømsheim frå Bærums Skiklub. Her kom Johannes Dale-Skjevdal på tredjeplass

Tarjei Bø måtte ut i ein strafferunde og vart nummer ti. Han var vel minuttet bak Johannes.

Simon Hjelmeset Kirkeeide gjekk også eit godt løp og vart nummer 16 etter ein bom på kvar av skytingane. 

Vi gratulerer!

Maren Hjelmeset Kirkeeide (20) er teken ut på elitelandslaget i skiskyting etter ein fantastisk sesong.

Etter ein sesong med siger i supersprint-cupen til IBU, ein god verdscupdebut og to NM-gull (sprint og mix-stafett 17-senior) har skiskyttarforbundet no teke ho ut til det norske elitelandslaget for kvinner.

Dette betyr at Markane IL har tre løparar på elitelandslag neste sesong! Både Tarjei Bø og Johannes Thingnes Bø er med vidare på elitelandslaget herrar.

I tillegg er Emilie Flo Stavik frå Markane IL framleis med på U23-landslaget.

Vi gratulerer!

Simon Hjelmeset Kirkeeide gjekk inn til sin andre siger i Norgescupen for året då han vann sprinten i seniorklassen på Ullsheim i dag! (Foto: Inge Fænn, Fjordingen)

Simon Hjelmeset Kirkeeide var i heilt framme i teten frå start til mål.  Etter å ha skote fem rett ned på liggande vart det ein strafferunde på Simon  etter ein kant ut på ståande. Men med stor fart i sporet vart det ein klar siger i seniorklassen og den andre sigeren i Norgescupen denne sesongen! På sølvplass følgde Vetle Rype Paulsen frå Lier IL. Han hadde også ein bom og var 18 sekund bak i mål. Bronsen gjekk til Herman Dramdal Borge frå Svene IL/Team Svene som var 33 sekund etter vinnaren. 

Vi gratulerer Simon med siger i Norgescupen!!

Det vart også fleire andre lokale topp-femten plasseringar.

Gunn Kristi Stensaker Tvinnereim frå Hardbagg IL/Team Woodcon  vart nummer 9 i K20-22.

Ann Kristin Aaland frå Hardbagg IL/Stryn vgs vart nr 5 og Eline Mathea  Myren frå Valldal IL/Stryn vgs nr 6 i klasse K19. Linnea Melheim Espe frå Markane IL/Stryn vgs kom på 11.plass.

I M18 vart det 11.plass til Elias Helset frå Sunnylven IL/Stryn vgs og 15.plass til Eirik Stensaker Tvinnereim frå Hardbagg IL/Stryn vgs.

I K17 gjekk Katrine Svarstad Heggdal  Markane IL/Stryn vgs inn til ein flott 9.plass.

I K18 vart det sølvmedalje til Elida Fuglem frå Valldal IL som går på Stryn vgs. Mari Sofi Meland Markane IL/Stryn vgs vart nr 14 i same klassa.

Vi gratulerer!

Maren Hjelmeset Kirkeeide, Simon Hjelmeset Kirkeeide og Johan-Olav Smørdal vann suverent NM-gull i miks-stafett på Ullsheim laurdag. (Foto:  Inge Fænn/Fjordingen)

Den andre dagen i norgescup/NM-helga starta flott for våre lokale løparar då laget frå  Sogn og Fjordane gjekk inn til NM-gull. Medan snøen meir eller mindre lava ned tok laget med to av tre utøvarar frå Markane IL eit solid gull i Mix stafett 17-senior på heimebane.

Maren Hjelmeset Kirkeeide, Markane IL gjekk den første etappen. Ho brukte  totalt to ekstra skot. Ut frå første skyting var det jamt i teten, men derifrå og til mål var ho i tet heile vegen.

Simon Hjelmeset Kirkeeide gjekk dermed først ut på den andre etappe, også han i tett snøver. Han  trengde fem ekstra skot for å få blinkane ned, men slapp strafferunder og sendte Johan-Olav Smørdal Botn, Stårheim IL ut med god leiing på den siste etappen. Johan-Olav brukte  også fem ekstraskot, men hadde god kontroll heile vegen. I mål var det  heile 45 sekund ned til Buskerud på sølvplass. Nord Østerdal tok bronseplassen.

Vi gratulerer med NM-gull!

ASKO Norgescup er i gang med fellesstart som første øving. Det vart fleire topp-ti-plasseringar til lokale løparar blant anna ein sjuandeplass til Linnea Melheim Espe (Foto Thomas Taule/Fjordingen)

Det vart ingen pallplassar for dei lokale i den første øvinga i norgescup/NM--helga på Ullsheim, men mange var med i tetkampen i sine klasser og kom inn til flotte topp-ti-plasseringar.

Linnea Melheim Espe (Markane/Stryn vgs) (på fotoet) gjekk inn til ein flott ein sjuandeplass og Eline Mathea Myren (Valldal/Stryn vgs) til ein åttandeplass i K19, Simon Hjelmeset Kirkeeide (Markane/Team Hugaas) fekk niandeplass i seniorklasse og  Ask Haughovd (Stårheim/Team Blåne) ein sjetteplass i M20–22.

Katrine Svarstad Heggdal (Markane/Stryn vgs) vart nummer ni i klasse K17 medan Elida Fuglem (Valldal/Stryn vgs) vart nummer ni i klasse K18. Gunn Kristi Tvinnereim (Hardbagg/Team Woodcon) vart nummer 10 i klasse K20–22.

Gullfavoritt Maren Hjelmeset Kirkeeide stilte ikkje til start etter ordre frå trenaren. Ho er derimot klar til laurdagens miks-stafett. Ho skal delta på lag saman med broren Simon Hjelmeset Kirkeeide og vinnaren av seniorklassen John Olav Smørdal Botn.

Komplett resultatliste for fellesstarten finn du her: 

Resultatliste ASKO Norgescup fellesstart 10.03.2023

Helga med ASKO Norgescup er i gang på Ullsheim. Her er samla resultatliste for fellestartøvingane fredag 10.mars.

Resultatliste ASKO Norgescup skiskyting fellesstart 10.03.2023.pdf

Helga 9.-12.mars er det NM junior/ ungdom og ASKO cup skiskyting på Ullsheim.

Anbefalt køyreretning: Isbakken - Maurset/Ullsheim - Sindre frå kl. 0700-1300 på

torsdag, fredag, laurdag og søndag sidan det er venta stor trafikk i denne perioden.

Vi oppmodar alle om å følgje dette!

Informasjon om ASKO-cup Markane finn du på denne sida: 

https://anviser.skiskyting.no/markane2023/

Faktura på medlemskontingent for 2023 skal no vere sendt ut til alle Markane IL sine medlemer. Vi har i år skifta innkrevingsmetode og fakturaen kjem no på epost med påminningar på SMS kvar åttande dag.. Sidan vi bruker KlubbenOnline sitt system vil det vere eit nytt banknummer oppgitt på faktura då kontingenten går via KlubbenOnline før den kjem til oss.

Fakturaen vert i utgangspunktet sendt til den epostadressa som ligg registrert på MinIdrett. Dersom de ønskjer å oppdatere adresse og/eller telefonnummer er det mogleg å gjere dette sjølv på MinIdrett eller du kan sende ei melding til Antonia Karete Kongsvik på antoniakaretekongsvik@gmail.com så ordnar vi dette for deg. Dette kan vere særleg aktuelt for ungdom som tidlegare har vore med i familiemedlemskap og ofte ligg på ein av foreldra sin adresser. Alle som fyller 18 år i løpet av 2023, mottek giro for enkeltmedlemskap dersom dei tidlegare var med i eit familiemedlemskap.

Når fakturen er betalt, vert det generert medlemskort for 2023 som de finn på MinIdrett.

For heidersmedlemene i laget som er fritekne for kontingent, er det sendt ut ein faktura på kr 0 slik at det digitale medlemskortet skal vere aktivert også for dykk.

Dersom nokon vil melde seg ut eller endre på medlemskapet (bytte til familie eller liknande), så gjer de dette ved å sende epost til antoniakaretekongsvik@gmail.com 

Stor takk til alle som har betalt så langt!

Vi håper dei fleste vil vere medlemer også i 2023!

Maren Hjelmeset Kirkeeide gjekk inn til sølvmedalje på sprinten i K20-22 under jr. NM på Lillehammer. Katrine Svarstad Heggdal kom på fjerdeplass i klasse K17.

Etter ein strafferunde på liggjande skyting gjekk Maren ut på midtrunden på niandeplass, 24,5 sekund bak teten. Også på ståande skyting vart det ein  strafferund, og dermed ein 4. plass før ho tok til på sisterunden. Med god fart i sporet gjekk ho seg opp til sølvmedalje. Ho var 10,7 sekund bak vinnaren, Tuva Aas Stræte, Hønefoss/Team Woodcon som berre hadde ein bom totalt.

Hedda Garlid Hilde viste nok ein gong strålande skyting med to fulle hus.

I klasse K17 vart det etter kvart ein svært jamn duell mellom Katrine Svarstad Heggdal, Markane/Stryn vgs, og Oda Aase Urnes, Østre Toten/NTG Lillehammer. Katrine gjekk i mål på tida 21.14,5. Bakfrå kom Urnes og sikra seg tre tidelar betre tid. Opp til sølvet var det også berre 5,6 sekund. Dermed vart det fjerdeplass på Katrine.

I norgescupen for senior vart Simon Hjelmeset Kirkeeide, Markane/Team Hugaas, nummer fem på dagens sprint. Med tre strafferundar totalt var han 50 sekund bak vinnaren. Differansen opp til tredjeplassen var på 25,9 sekund.

Simon Hjelmeset Kirkeeide gjekk heilt til topps på normaldistansen under Norgescupen på Lillehammer. Foto: Nordfjord Team Tussa

Alt frå start var Simon med i teten, og ut frå første skyting var han i leiinga med 6,1 sekund. Andre skyting gav to tilleggsminutt, og han låg med det på 12. plass, 1.40,4 bak Vetle Rype Paulsen frå Lier IL som hadde teke over teten.

Med fem treff på tredje skyting gjekk Simon opp på 6. plass på lista. Han hadde no 1.17,8 opp til Paulsen som framleis låg i tet. Siste og avgjerande skyting gav nye fem treff, og dermed gjekk han ut på siste runden som nummer tre.

Farten på sisterunde var det ingen andre som kunne matche, og i mål var Simon 9.9 sekund føre nummer to, Hogne Findal Skar frå Sannidal IL/Team Hugaas. Dermed var første sigeren i norgescupen som senior i boks.

Vi gratulerer!

Det vart bronse til Johannes Thingnes Bø på fellesstarten. Dermed vart det medalje i alle løpa i VM. Tarjei avslutta VM med ein niande plass.

Både Johannes og Tarjei måtte ein tur i strafferunden etter første skyting, og opp til tetgruppa var det ca. 20 sekund.

Johannes tok inn heile forspranget inn til andre skyting, men nok ein gong måtte både Johannes og Tarjei ut i strafferunden.

Dermed vart det å prøve og hente inn teten på nytt. Johannes fekk nok ein gong  kontakt med teten. Og etter feilfri tredje skyting var han plutseleg først i løypa, 9,8 sekund føre svenske Sebastian Samuelsson. Også Tarjei Bø skaut fullt på tredje skyting.

På siste skyting vart det bom på det siste skotet for Johannes, og han måtte ut i strafferunden. Samstundes skaut dei to svenskane Sebastian Samuelsson og Martin Ponsiluoma feilfritt.  Svenskane heldt unna på siste runden og sikra dobbeltsiger. Johannes gjekk inn til bronse. Han sikra seg dermed medalje i alle renn i VM i Oberhof: Fem gull, ein sølv og ein bronse. Berre Marte Olsbu Røiseland har greidd medaljar i alle VM-løp tidlegare.

Tarjei Bø vart nummer 9, etter to strafferundar på siste skyting. Dermed vart det topp-ti plassering i alle løp og ikkje minst fekk med seg to sølvmedaljar frå  VM

Vi gratulerer med storvegs innsats under årets VM i skiskyting!

Både Tarjei Bø og Johannes Thingnes Bø gjekk på det norske stafettlaget som sikra seg VM-sølv under vanskelege vêrtilhøve i Oberhof.

Det vart mykje vind og vanskeleg skyteforhold på VM-stafetten i Oberhof. Det norske laget som var storfavorittar før start enda opp med å sikre seg sølvmedalje. 

Alt etter første etappe låg Norge eitt minutt bak teten, då Vetle Sjåstad Christiansen trengde mange  ekstraskot for å få ned blinkane i vindkasta.

Tarjei Bø skaut fullt hus på første skyting, men nokre skikkelege vindkast sende han ein tur i strafferunden etter ståande skyting.

Då Sturla Holm Lægreid tok til på sin etappe var avstanden opp til teten eitt minutt og ti sekund, og Norge låg på ein  5. plass.

Etter flott liggjande skyting gjekk Lægreid ut på tredjeplass, 59,8 sekund bak Frankrike og Tsjekkia. Og då franskmennene måtte ut i strafferunden etter ståande skyting var det plutseleg håp om avansement. Mrn også Lægreid fekk strafferunde, og ein var like langt. 

Johannes Thingnes Bø starta på sin siste etappe med nesten 50 sekund å ta att på teten. 

Johannes måtte ta i bruk alle ekstraskota på liggjande, og då hjelpte det ikkje at han gjekk raskt i løypa. Heller ikkje perfekt siste serie kunne hindre fransk gull.

Dermed vart det sølv til det norske laget, 38,9 sekund bak Frankrike. Sverige tok bronsen.

Saman med Marte Olsbu Røiseland sikra Johannes Thingnes Bø seg nok eit VM-gull på single mix stafett. Dette var det femte gullet i rekkja under VM i Oberhof.

Det vart spenning heilt til siste skytinga, for både Marte Olsbu Røiseland og Johannes måtte bruke nokre ekstraskot i løpet av stafetten. Johannes måtte i tillegg tòle ein tur i strafferunden etter den siste liggande skytinga.

Sølvmedaljen gjekk til Austerrike og bronsen til Italia.

Vi gratulerer med nok eit VM-gull.

Johannes Thingnes Bø gjekk inn til ein suveren siger på jaktstarten i Oberhof. Tarjei Bø hamna rett utanfor pallen på ein fjerdeplass etter ein spennande kamp om bronsen. 

-------------------------------------------------------------------------

Johannes gjekk ut i løypa 14 sekund føre Tarjei med Sturla H. Lægereid på tredjeplass. Etter den andre skytinga var Johannes sitt forsprang dobla til storebror. Tarjei heldt på si side avstanden ned til Lægreid på med om lag 20 sekund.

På den tredje skytinga kom Tarjei litt skeivt ut med to bom. Johannes skaut fullt for tredje gong og leia suverent. Etter tredje skyting såg sølvet ut til å gå til Lægreid, men det var framleis liv i håpet om ein bronsemedalje til Tarjei. Kampen om bronsen stod først og fremst mellom Tarjei, Vetle Sjaastad Christiansen og svenske Sebastian Samuelsson.

Johannes stod for ei utruleg oppvisning på standplass. Han kom  opp med sin fjerde feilfrie serie. Lægreid sikra eit nesten like suverent sølv med tilsvarande prestasjon.

Samtlege løparar i posisjon til den bronsemedaljen fekk  to eller fleire strafferundar. Tarjei gjekk ut på siste runden som tredjemann, men med Christiansen og Samuelsson rett bak.

Inn mot mål skulle etter kvart bli ein kamp mot svensken. Den vart ikkje avgjort før dei var inne på oppløpet. Der gjekk Samuelsen i frå og sikra svensk bronsen medan det vart ein fjerdeplass til Tarjei.

Tysdag er det klart for normaldistanse og meir spenning.

Vi gratulerer Johannes med den tredje gullmedaljen i VM!

Johannes Thingnes Bø tok ein suveren siger på VM-sprinten i Oberhof. Tarjei Bø følgde på ein flott sølvplass 14 sekund bak. Vi gratulerer!

-------------------------------------------------------------------------------------------------------------

Johannes gjekk ut først i skodda i VM i Oberhof. Han opna ganske kontrollert i sporet, og fekk ein bom på det nest siste skot på liggjande. På ståande vart det derimot fullt hus med litt stang inn på dei to siste skota. Den siste runden gjekk unna i eit tempo ingen andre var i nærleiken av å matche.

Bak kom konkurrentane på rad og rekkje, men ingen klarte å gå like fort som Johannes i løypa.

Tarjei Bø gjekk på eit seint startnummer, og starta med fullt hus på ligjgande. Med nok eit fullt hus også på ståande kom han opp i medaljekampen.

Tarjei kom i mål 14 sekund bak Johannes, og sikra dermed både sølvmedalje og eit veldig godt utgangspunkt før jaktstarten søndag. Sturla H. Lægreid tok bronsen 39 sekund bak Johannes.

VM har dermed starta på best mogleg måte. Gullet på sprinten var Johannes sitt andre gull under VM då han også gjekk på vinnarlaget i miksstafett. Med Tarjei sin flotte individuelle sølvmedalje så er det berre å sjå fram til resten av VM.

Søndag er det klart for jaktstart med Johannes og Tarjei først ut i sport.

Her er resultatlista til sprinten på Ullsheim 8.januar

Resultatliste til sprintrenn Ullsheim 08012023

Laurdag 7.januar vart det arrangert Ullsrennet 2023 på Ullsheim.

Her er resultatlista:

Resultatliste frå Ullsrennet 07.01.2023