Ullsheim 23.3.2014:
Postet av Markane IL den 23. Mar 2014
7 krinsmeistrar frå MIL under KM fellesstart
Anne Marie Roset frå MIL vart krinsmeister for J14. Her på pallen saman med Inger Ringdal Sæter frå Sunnylven og Kari Alsaker frå MIL. Foto: TSN
Heile 106 løparar var på start under KM fellesstart skiskyting på Ullsheim i dag. Markane hadde ein stor delegasjon på 30 deltakarar på startstreken og heile 7 av desse vart krinsmeistrar.
I klasse G13 vart Magnus Midthjell Gjørven krinsmeister. Med berre to bom totalt var han 30.7 sek før Magnus Seljeset frå Hornindal som kom på andreplass. Nikolai Dispen Lødemel kom på sjetteplass i same klassa. I klasse J14 vart Anne Marie Roset frå MIL krinsmeister med Inger Ringdal Sæter frå Sunnylven på andreplass 30 sek bak. Kari Alsaker frå MIL tok tredjeplassen.
Simon Hjelmeset Kirkeeide vart krinsmeister i klasse G14 medan Aksel Mathias Meland vart krinsmeister for G15. I denne klassa vart det også fjerdeplass til Magnus Arntsen.
Håkon Midthjell Gjørven vann KM-tittelen i klasse G16 etter ein jamn duell der Håkon slo Matias Lote Henden frå Stårheim med 8 sek. Begge hadde to bom totalt. I same klassa vart det også pallplass til Odd Sindre Tonning. Grim Nygård kom på 6. plass i same klassa og Andreas Halsteinslid på 7. plass.
Også Janne Alsaker og Georg Kristian Halsteinslid sikra seg KM-titlar på fellesstarten i høvesvis klasse K20-21 og M18.
Også i dei yngre klassane (som ikkje er KM klassar), var det solid innsats av deltakarane frå Markane. I klasse J11 vart det siger til Maren Hjelmeset Kirkeeide. Emilie Flo Stavik tok andreplassen like bak og Emma Njøten vart nummer fire. I klasse G11 vart det pallplass til John Erlend Bø som vart nummer to. I same klassa vart Elias Dispen Lødemel nr 4, Anders Svarstad Hole nr 9 og Daniel Langeset nr 10.
I klasse G12 kom begge MIL sine deltakarar på pallen med andreplass til Oskar Guddal Breivik og tredjeplass til Sigurd Fotland Fænn.
Markane var også godt representert i dei urangerte klassane. Sjur Tenden Nesje og Håvard Tonning deltok i nybyrjarklassa for G11-12 år. I klassa for jenter 10 år og yngre var der heile seks MIL-representantar: Mari Sofi Meland, Oddrun Hjelmeset Kirkeeide, Selma Guddal Breivik, Iselin Bø, Sofie Njøten og Sara Annie Bjørnhaug Aarnes.
Fotoseriar nedanfor frå Team Statkraft Nordfjord og Margunn Hjelmeset.
Resultatlista finn du her:
Resultatliste KM fellesstart Ullsheim 23.3.2014
Premieutdeling i klasse jenter 11 år. Vinnar Maren Hjelmeset Kirkeeide, MIL. Nr 2: Emilie Flo Stavik, MIL, Nr 3: Turi Lise Totland, Volda. Nr 4: Emma Njøten, MIL. Foto: Margunn Hjelmeset
Magnus Midthjell Gjørven vart krinsmeister i klasse G13. Andreplassen gjekk til Magnus Seljeset frå Hornindal. Martin Aaland frå Hardbagg IL vart nummer tre og Jens Sune Hauge frå Volda IL vart nummer fire. Foto TSN
Simon Hjelmeset Kirkeeide vart krinsmeister i klasse G14. Magnar Lødemel frå Hornindal vart nummer to og Jonas Vatsaas frå Volda nummer tre. Foto: TSN
Håkon Midthjell Gjørven vart krinsmeistar i klasse G16. Matias Lote Henden frå Stårheim vart nummer to og Odd Sindre Tonning frå MIL nummer tre. Isak Hopland frå Hardbagg kom på fjerdeplass, Lars Erik Telseth frå Volda tok femteplassen, Grim Nygård frå MIL vart nummer seks og Andreas Halsteinslid frå MIL nummer sju. Foto: TSN
Georg Kristian Halsteinslid vart krinsmeister for klasse M18. Foto: TSN
Janne Alsaker vart krinsmeister i klasse K20-21. Foto: TSN
Oskar Guddal Breivik vart nr 2 og Lasse Flo Bødal vart nr 1 i klasse G12. Foto: Margunn Hjelmeset
Sigurd Fotland Fænn gjekk inn til tredjeplass i G12. Foto: Margunn Hjelmeset
Emma Njøten i fint driv i løypa.
Jon Erlend Bø vart nummer to i G11. Foto: Margunn Hjelmeset
Emilie Flo Stavik vart nr 2 i klasse J11. Foto: Margunn Hjelmeset
Anne Marie Roset vart krinsmeister i klasse J14. Foto: Margunn Hjelmeset
Odd Sindre Tonning kom på tredjeplass i G16. Foto: Margunn Hjelmeset
Grim Nygård i løypa.
Klart for premieutdeling. Monica V. Halsteinslid saman med Mari Sofi Meland, Oddrun Hjelmeset Kirkeeide og Iselin Bø. Foto: Margunn Hjelmeset
Framme: Jon Erlend Bø og Emma Njøten. Bak: Sofie Njøten og Ane Hjelmeset Kirkeeide. Foto: Margunn Hjelmeset
Mari Sofi Meland klar til start. Foto: TSN
Oddrun Hjelmeset Kirkeeide. Foto: TSN
Sara Annie Bjørnhaug Aarnes på veg ut frå start. Foto. TSN
Kommentarer
Logg inn for å skrive en kommentar.
Siste fra Markane IL
Kongepokal til Simon Hjelmeset Kirkeeide!
05.04.2024
Resultatliste frå cuprenn nr 5 i skicross
12.03.2024
Cuprenn nr 5 i skicross
11.03.2024